Universal Declaration of Human Rights

+ + +

+ +
+ +
+
+Chaa'pala +
+ Source: Office of the High Commissioner for Human Rights - Ecuador Field Office +
+ +

Entsa Tunu Naa Nuka Chulla Bain, Muba Mubain +Tsatsangenuu Deechu Detave Ti' Tsandi Depañu Kuinda

+ +

PEEPUNDU AJKE' PAlAA

Diciembre chu'chaya' paitya malu Ashtu manchishtaapaipatsa' taapaichunga +manchishpema malunu NACIONES UNIDAS ya' Asamblea General-chi depaviike' +tsange deshuike' entsaave ti' munu bain dewainve, entsa tunu naa nuka chulla +bain, muba mubain tsatsangenuu deechu detaveti' tsandi depañu kuinda. Mika +ura' katamu tsenmin ma juntsangeñaa uranu juve tya' narake kata' piikemulaa +entsa tsaa dekeve, naa muba tsangendetyuren umaya matyu ajke' bijee entsa +nuka chulla bain, muba mubain tsatsangenuu deechu detave ti' tsandi depañu +kuinda umaya ma chachinuren kera' patiiñuu depiikeve.

Entsa Tsandi Depañu Kuinda, chai tinbutala yumaa 360 vee vee panu palaachi +depillave. Entsa tunu naaju kiika' mityaba entsa kiikaa naa naaju palaachi bain +kayu pillave, tsa' mitya juntsarenmika waintsuve ti kiika juju' naaju urañu bain' +kumuinchi entsa tunu chullachi.

+ + +

AJKE' PALAA

Urama kerakeñu chachi dejutu naaju naa-i kera' taatu inuu juñu bain tsaatalaa +dekera, tsenm'in ti deechu juutala bain naaju chachilla bain tsaren deechu deta, +ne mainnaa deechu chipake ne ñuya tsaa deechu tajtaa ti' mujchi, entsa tu kuraa +nuka bain, muba bulla jiJtyu ti kendenñuba kenu, naa kavitu juu bain mika ura' +deechu kavitu, tsenminnaa tiba bulla jutyu mika sunden chunu judeeshu juntsa +entsatalaa lIatinañuu juve tya' mitya.

+ +

Entsa tunu naa nuka chUlla bain, muba mu bain tsatsangenuu deechu detanu +paatetala kerajtu mijtu, tsenmin balenguretyu jatsa' ne keraanchiren, tituba +deke' firuke' cha' tansha pensachiya ura kinjutyuu mayujpeyaa kemu deeve tya' +mitya. Tsenmin chachillachee ti ju'ba juntsaa kayu mutyanu tsuve tya' juuñunge +ke' umaa entsa ajkeshaa entsa tunu naaju chachilla bainmatenbiyaa pensa +depire', naa yala' jeetyanu pensa bain depireke' matyu naa tyenaaju patindya'ba +tsaa depa' sunden dechun'u, tsenmin ne tinu keengikenu tya' bain tsaanu +dekeenge' sunden dechunu, tinbu jantsuve tya' mitya.

Entsa tunu naa nuka chulla bain, muba mubain tsatsangenuu deechu jumunu +tyeeba juñu narake uukaren tsangenu tya', rnatyu tsangenchingenuu juve tya' +juntsa uukaanu ma Deechu juuñuu dekive, tsenmalaa matyu tituba deke' +firudeke' menaa teraañuu detananu keñu bain, matyu chachilla ne tyui-eraiñu-i' naakin tsandya' ti' mityaba juntsaren juune juntsa kai'tala kayu vera ne juu +jutyu, juntsa miñuren juu de'ajaatsetuware' tsaa pebulu kujpa'i'. balelanu - +vingendejutyuve tya' mitya.

Tsenmin tsangenchingenuu juve tya' naaju tuutala bain naatala juuñunge taatu +kenuu kikaanu tyeeba juñu awakaren tsangikaanu juve tya' mitya.

Naciones Unidas-nu shilli denashu juntsa pebulula kumuinchiren tsandi depa' +jungajte tsange deshuikeñu Kiikanu, ura uwain tsaanu juve ti'dekeenge' matyu . +chachi jutu ti deechu tadeeñu bain juntsatala uwain tsaave ti' tsenmin chachi +juñu naa-i kera' taatu inuu juñu bain tsaatala bain tsaanu juve ti' dekeenge' +tsenmin chachi jutu naaju baledeeñu bain tsadeeve ti'tsange dekeenge' shuike' +naa ti deechu juuchi bain unbeerukula bain su pula bain tsaren deechu detave +tya' mitya. Tsenmin kumuinchiren naake' bain tsangenchiren kenu ti' ma +tsangenui deshuwa' matyu naaju cha' bululanu bain ne tyeeba dejuñu +shu'kikaren tsange' awakare' naa ura' chunchi bain kayu ura' chunuu tiba bulla +jutyu ura' chunuu detirenu ti' tsai deshuwa' mitya.

Naaju chachilla bain tsangenuu deechu tadeeshu juntsatala tsenmin naaju +chachilla bain muba tsanguityude tindetyu ti kendya'ba tsangenuu judeeshu +juntsatala, ura tsangenchin kidaa ti' ma tsai depa-ake' tsai deshuwamu Estados +Miembros-la, juntsa Naciones Unidas Organización-ba buluren tsangenuu +deshuwa' mitya, tsenmin

Kumuinchi enu tsandi depa' tsange deshuikeñu ura uwain juntsangenuu jushu +juntsaa naa mubain enu pañu deechu judeeshu juntsanu, tsenmin naa mun ti +kenu tya' bain tiba bulla jutyuren tsangenuu judeeshu juntsatala, matyu muba +mubain naajuñu bain ne veevee aseetangi'mujchi tsaren aseetangenuu dejuve, +ti' mitya.

+ +

muba mubain mijanu detsu

Asamblea General

entsandive

Entsa Tunu Naa Nuka (hulla Bain, Muba Mubain Tsatsangenuu +Deechu Detave Ti' Tsandi Depañu Kuinda

Kumuinchi chachilla, naa naaju tu paatesha bain nuka' baasa matyu pudengura +deengenu dejuve juntsa pensa' mityaren, tsenmalaa mun juju' bain, naa naaju +bale ya juula bain juntsanun dajkake pensange' tsangenuke deke' demijakare' +uwain tsaamiñu detyakare', matyu entsa deechu júdeeshu juntsatala, tsenmin +muba bulla jutyu ti kendenñuba tsangenuu judeeshu juntsala bain narake +uukaakiñunge' juntsadeke' tyeeba juñu narake deengaren tsangenu dejuve naa

naaketaa tsangenuu juñu bain juntsa naa uwanu bain awakáakentsuñungetu ne +entsa lala' tu juusharen jujutyu, vee mujtu naa nuka" baasa vee paatesha bain, - +tsange' entsa deechunu naatiñu bain tu kuraa juntsa ura uwain tsadekikaanu ne +Estados Miembros judeeshu juntsa chachilla' chundalanjujutyu, naa yala' tu +juusha yaichi uuden-in chumu tu judeeshu juntsatala bain.

+ + + +

Artículo 1

Naaju chachilla bain mu' chachilla bain na kayatu tichiba bulla jutyu +naakendya'ba kenu deechu taa na kayamu deju, tsenminya,naaju juñu bain ne +tsaave ti', uukavinu jutyu naa, tideechu juuchi bain, mubain mubain tsaren +dejuve, tsenmin shilli pensangenu pude deju'. mitya, tsenr)1in ura' kendu bain +ura' kendyu' bain mide' mitya muba mu bain veta' veta' ura' keewaawaa kenuu +dejuve.

+ + +

Artículq 2

Ti deechu juu bain, naa ti kikenu tyai' bain tsatsangenuu pude deeve ti' tsandi +depa' entsa tsange deshuikeñu Tsandi Depañu Kuindanu pudeeshu juntsanu +mu' chachilla bain tsatsanguenuu deechu detanave; naa tinuba keetadi' ne +tsaave ti' mujchi, ne vee chachee ti' mujehi, ne vee muehiña puuve ti' mujehi, ne +IIupuve supuve ti' mujehi, ne tsaa palaaya pamuve ti' mujehi, ne tsaa dios-naa +keengimuve ti' mujehi, ne titalaba keetadi' ne tsaave ti' na' baasa pamuve ti' +mujehl. Tsandityu' bain, kayu tinuuñuba ne nunbaku baake'eetadi' ne tsaave ti' +mujehi, ne tsaa chaehilla deeve ti' mujehi, ne lushi tanutala keetadi' mujchi, ne +naa-i na kayamuñuba tsaatala keetadi' mujehi, ne ti juu ne vera juutala +keetadi'mujehi, naaju ehaehilla bain tsaren deeehu detanave.

Tsenmiren, naa tinuba keetadi' ne tsaave ti' mujchi, ne titalaba kata' ne tsaáve . +ti' papatimu tunaa eh uve ti' mujehi, naa ne kavitu iinuutalama punamu tunaa +eh uve ti' mujchi, ne na' baasa baasha vee paate tutala demi'tekare' dekera' ne +tsaave ti' mujehi. Tsajutyu'ba ne veelaehi uuden ityu tushaa ehumuve ti' mujehi, +tsajutyu' ba ne veelaehi uuden-i' bulu ne washaimu, maali pudejtu, ne veelachi +menaa teraañuu tunaa ehuve ti' mujehi, tsajutyu' bain ne ya' tunúren +uudengenu pudejtu' ne jatsaave tinu tunaa chuve ti' mujehi.

+ + +

Artículo 3

+ +

Naaju ehaehi bain ehaehi tiya' ehunu deeehu tave, naa muehiba bulla jutyu ti +kendya'ba kenuu deeehu bain tave, tsen,min ya ehaehi jutu ya' bulunu tituba +ikutinjutyu deeehu bain tave.

+ + +

Artículo 4

Naa mubain veelaehee uuden-i' tikesa tyañuba tsatsangemu, maali tigendya'ba +tsangenu deeehu tajtu ehaehi junu dejutyuve, naa ne veelaehee ti bain ke' kuwa +kuwa kemu ehaehi jundejutyuve; Ne veelaehee uuden-i' tikesa tyañuba +tsatsangemu, maali tigendya'ba tsangenu deeehu tajtu paatetala ti' mityaba +naake' ba tsangenu jutyuve ti' ma pillaave.

+ + +

Artículo 5

Naa mubain kaya' bandapurai' tituba ikutinuu dejutyuve, naa ne kuipavikuti' +tsaityu'ba na' baasa de' ikuti' ne chacheeba jutyu debadan tsai' ~atenbiyai' +mayujp-eyainu dejutyuve.

+ + +

Artículo 6

+ +

Naa mubain chachi jumulaya naa nuka bainnutsa patesha bain deechu detave +ya nukaa chumu' bain juntsa ya' deechu.

+ + +

Artículo 7

Ley ajuushaya naa mu bain mabarejun dejuve, tsenmin naa tinuba keetadi' ne +tsaave ti' mujchiren naaju ley-chi bain manbarejuren bale-ikutyanuu deechu +detave.

Naa mu bain tsaren bale-ikutyanuu deechu detave entsa Tsandi Depañu +Kuindanu punashu juntsa deechu pillalanu ne jatsa' kure' tujle' firu dekinmala. +Naa ne tsange' jatsa' kure' tsangenjutyu' bain ma tsangenuke firu' dekeewaañu +bain, naa juntsatala bain tsar~n bale-ikutyanuu deechu detave.

+ + +

Artículo 8

Nutsa bale chachilla' ajuusha bain, nutsa bale yatala bain, ya' chunu tu sukunu +aa bale chumula' jungaya tyeengitaa naakitaa lave'kakutinu ju' bain tsaa +mi'kenu deechu tadeeve naaju chachilla bain. TsaJ:lge' yachi tsamantsa bale +deechu, Constitución kiikanupillaashu juntsa deechu juuñu bain, naa ley-nu +pumu deechu juulanu bain firu' kenu dekenmalaya, bale-ikutinuu deechu +tadeeve.

+ + + +

Artículo 9

Tsangenu' jutyuunun tituba ke' mijaindyu peresu kaki, ne peresu viinu, tsaityu'ba +ya' tusha kalare' era' vee mujtu nepiwarainuu dejutyuve, mubain.

+ + +

Artículo 10

Naaju chachilla bain, ne faata' uyudiba i' mujchi parejuren juuñu ju' tsaren +deechu detave, munuba bale jutyu kejtaa uyunañu namu balela' ajuusha, cha' +kejtsapaatala maali balela' depa' meedikuti' ura' deechu kavitu ikutinu, ne yanu +daran feete' kuipa pu' kavitu kenu paate juutala, naa ne ya' deechu juutala, +tsangityu'ba ne ya titalaa tsatsangenu jutyuñu bain; tsaatala detyashnu +kuindatala.

+ + +

Artículo 11

+ + +

1. Mun firu' keve ti' "pakaya-i' bain, ura uwain tsangeve ti' entsange +keewarendetyuya uwain kuipave tikayanjutyu deechu tave; ley-nu naatiñu bain +juntsanu keetaditu tsenmin ura uwain narai kavitu ikutitu, naa tinu bain yaa naa- +i balelanu' kiñu bain tsaatala ne dedaakaanu ke'ne firu kindetyu ma narai kavitu +ikutitu.

+ + + +

2. Naa mubain faata vi' kuipa viinuu dejutyuve ne tiiñuba kike tsangetyu'ba +kikenuu junuren ne kityuu ju' bain juntsa tsangenu tinbutala ne ya'chunu aa tu +sukunu tsaityu'ba vee mujtu vee tusha Deechu jumulachi ti kuipa vinuu kuinda +jutyuwaashu juntsaya. Tsenmin ti faateru kike' kuipa vi' i' bain, juntsa tsangenu +tinbunu nai kuipa vinuu juñu bain juntsa kuiparen viinuu juve, ne juntsanu yapa +viinuu jutyuve.

+ + + + +

Artkulo12

Naa mu bain tsangenuu jutyunuren tituba ke' ne ya naaju ti ken chumuñu bain +nee tsaatala na' baasa kikutinu' jutyuve, naa ne ya' bulu chachillanu juu bain, ne +ya' ya juutala bain, ne yachin juu kiika juutala bain, naa ne ya tyee juñu bain ne +tsaa dajka chachi juuñu bain, tsaatala ne firu' pakutyainuu jutyuve. Naaju +chachilla bain entsa tsaa tituba deke' tituba depanu keñu tsaachi la'kakutyainuu +ley-chi bale ikutinu deechu detave.

+ + +

Artículo 13

+ + +

1. Naaju chachilla bain ya' chunu aa tu sukunuya muba daatadindetyuren nuka +ji'nendya' bain, ne nuka ya ke'chudindya' bain tsangenu deechu tave.

+ + +

2. Naaju chachilla bain nuka ya' aa tu sukunu lu' ji' vee mujtu baasha tusha ji'-i' . +manen bene ya' chunu tusha maanu tya' bain tsainu deechu detave.

+ + + + + +

Artículo 14

+ + +

1. Tengai'tu tituba kenu tya' deesuuke' firu kenu dekinmala, naa mubain, vee +tusha vee paatesha lu'ji' nepiya' nemuyu ti' pa' junga chunu deechu tave.

+ + +

2. Entsa deechu juushu juntsa naake' ne tsaave ti' juntsanu paka' balelantsaanu +juve, ne ti faateru juu juntsan mitya kuipa viinu faateru ne juuba jushu juntsaya, +tsaityu' bain Naciones Unidas ti kikenu tyatuaa tsenminnaa naati patuaa +tsangeñu bain juntsanu shilijtushu juntsaya.

+ + + + +

Artículo 15

+ + +

1. Mubain juntsa tushaa chumuyu juntsa chachee juyu tyanu deechu detave.

+ + +

2. Naa munu bain tsangenu' jutyuunun kidandake' ya nutsa tushaa chumuñu bain +ti chachiñu bain tsajutyuve ti'juntsa deechu chi'kenu dejutyuve. Tsenmin ne +nutsa tusha chumu ju' ne ti chachi ju' vera' mandiyainu tyañu bain muba +daatadinudejutyuve.

+ + + + + +

Artículo 16

+ + +

1. Unbeerukula supulabain, yumaa pallu buudi' chunu tinbu ishu juntsaa, ne tsaa +chachee ti' mujchi, ne juntsa tusha chumu juntsa chachee ti' mujchi,' ne +tsaanuaa keengimuaa ti' mujchi pallu debuudi' yaitene ma bulu chachi tinu. +deechu detave; tsa'-i' manbarejuu deechu detave pallu debuudi' chutu titi kenuu +juuñu bain, tsenmin bulu chungamaya naa.ne mavelainu ki' bain tsaren deechu +detave.

+ + +

2. Bene yaiterie demutya' ya' ruku ya' shinbu tiyariuu judeeshu jUhtsala tsai' buudi' ~ +chulaya yaitene muba tsaide tindetyu ti kendu'ba nara miren tsai' buudi' chunu +judeeve.

+ + +

3. Naaju tsamantsa aa bulu chachilla' kejtsapaatala bain, pallu detiya' ma bulu +paande imu chachillaa, ti ju'ba matyu kayu bale, juntsan jutyuya naaken tsaju. +Juntsala naa juntsa .tsamantsa aa bulu chachillachi bain, naa nutsa tusha chuñu +juntsa tusha washnamu balelachi bain tsaren la'kaya' washkekutinuu deechu +detave.

+ + + + +

Artículo 17

+ + +

1. Mu' chachi bain ne tyeenaaju tadinu tya' bain yachin juu bain, naa ne velaba +debuudi' tadinu tya' bain tsangenuu deechu tave.

+ + + +

2. Naa munu bain tsangenu' jutyuunun kidandake' ya tyeenaaju tañu bain juntsa +tajtuke pajtenu dejutyuve.

+ + + + +

Artículo 18

Mu' chachilla bain muba bulla jutyu naake pensangendya'ba, naake maali ya' +mishusha manbake'merandya'ba ne naake keengikenu tya'ba tsangenu deechu +detave. Entsa deechu tsaren deechu kumuve, naa ne ya' keenginu tsuminu +mavete' vera' mangeengikenu tyañu bain, tsaityu'ba ne muba tsangide' +tindetyuren maaliren ya tinuaa keengimu' bain juntsa ne maali, tsaityu'ba +veelaba debuudi' wanditinu tya' bain tsangenu deechu. tave. Entsa tsandinu +pudeve cha' kejtsapaatala, tsandityumee maalindala juntsa ya' keenginu +mijakaanu, tsangikaanu, tsaa chachiyu titu, titi kenu juñu bain juntsangikaanu, +tsenmin tyeenaajaa tsangenjutyuu juñu bain juntsa wainnu.

+ + +

Artículo 19

Naaju chachilla bain muba bulla jutyu naati pandya'ba, naake keewaanu tya'ba +tsangenu deechu detave; entsa deechu ne ya tsandi paa ti' juntsan mitya ne +yanu bulla kee dekinu keñu la'kamu deechuve. Tsenmin ne tinaaju tyashi' +keekinú tya' bain, naa ne ti kuinda juu mijainu tya' bain, tsai' demija' tichiba +daakarajtu, daatadijtu ne ti kike' demijakaakenu tya' bain tsangenu deechuve.

+ + +

Artículo 20

+ + + +

1. Mu' chachi. bain matyu tsangindyamiya muba bulla jutyu, ura'kenufiru kénu +jutyu, naa-i wandindya'ba ne naa-i buudindya'ba tsangenu deechu tave.

+ + +

2. Naa mu bain tsaa mutyai'mujchiren deranchi buutekarainuu jutyuve.

+ + + + +

Artículo 21

+ + +

1. Naaju chachilla bain lu'tsa' tusha juntsa ya' aa tu sukunu washnamu bale tinu +yaibain tsaren deechu detave bale lunu kenu. Ura yarenma luinu ketu, +tsangetyu'ba muba tsangide tindetyuren ya' mitya veelanu dete'lare' eetu.

+ + +

2. Naaju chachilla bain lu'tsa' tusha, juntsa ya' aa tu suku juusha, tichiba faata' +kurai'mujchi manbafejuren bale chachi tinu deechu detave.

+ + +

3. Cha' paatala washke' uudengenu juushu juntsa kumuinchi chachilla +naadetiñuba, tyeengenu detyañuba, juntsanaa ti ju'ba lIatinañuu juuve. Tsa' +mitya juntsa naadetin-tyeengenu detyañu juuñuu jumiya naa uwanu bain tinbu +tinbu bale chachi mande'lare' chuchungéJanuu dejuve, kumuinchi chachilla +dewa'di' dete'laatu. Matyu munaa te'laandu bain kiika petsenu maaliren mii +chi'kaketu, tsangety)J'ba naane vera' juu kike' bairi naa uwanuba kumuinchi +dewa'di' te'laalaakenuu deechu pirei'mujchi.

+ + + + + +

Artículo 22

Tsamantsa aa cha' bulu kejtsapaatala tsejnamu chachide' mitya, naaju chachilla +bain, chachi jutu naa-i washkekutinuu juñu bain tsaa deechu detave. Tsenmin +ya'chunu tu sukunu naa kayu vee paatesha baasha aa tu suku jumula bain +tsaren bulu dedeenge', urama patiñuya ya' chunu tu sukunu naaju derade' bain, +ne tiren taju' bain juntsa tsaanchi ura' kekutyanuu dejuve naaju chachilla bain, +ne lushi paatechi juu, ne chachi dejutu tsaa paatechi juu, ne tyeengemu chachi +juju' bain tsaa paatechi. Ya chachi jutu naa-i balenguranuu juñu bain, tsenrnin +ya naaju ne ti chachi juju' bain juntsaa tiiñuba awakaren tsangenu ju' mitya +juntsatalaa deechu tave.

+ + +

Artículo 23

+ + +

1. Naaju chachilla bain taawasha kenu deechu detave, ne ti taawashan kikenu tya' +bain tsangenu pude deeve; naa muba mubain tsaren taawashanuya ne vera' +taatu ii-i' mujchi sundya' kenuu taawasha kenu dejuve. Tsenmin taawasha +tajtushu juntsaa, tsaan mitya la'kayanuu deechu detave, taawasha tajtun mitya.

+ + +

2. Naaju chachilla bain ne tituba ikutya' delandyulla' ne jatsai keraba i'mujchi +tsaren lushi kanuu deechu detave, tsaren manbarejuu taawasha ken mitya.

+ + +

3. Naaju chachilla bain taawasha kimulaya deechu detave, mika sunden tsaren +manbarejuu lushi kanu. Tsange' matyu juntsa taawasha kemunu ura' chujmin +naa ya' paande chachillanu bain ura' chushmingenu, matyu ya chachi jutu naaju +ura' chunuu dejuñu bainjuntsangetu. Tsangenu keñu ti ne jayu fa ata , .juuñu +bain, chachi deeñu naake la'kanuu juñu bain tsaa miñu demi'ke' kayu ura' +kenuu dejuve.

+ + + +

4. Naaju chachilla bain yala' kehu ts'uminu, ne yala' mutyanu tsuminu +uukaakeñungenu veelaba debuudi' naakitaa juntsanu deelanu ju' bain tsangenu +buudinu deechu detave.

+ + + + +

Artículo 24

Naaju chachilla bain lekanu deechu. detave, sunden malu puinu deechu detave. +Ne ti taawasha juunu bain, shilli pensangike' tsantsa bare' taawasha juu kenu +deechu bain detave. Tsenmin tinbu tinbu leka' naa juntsa tsange' lekandu bain +lushi kanuu deechu detave.

+ + +

Artículo 25

+ + +

1. Naaju chachilla bain naa itaa ura' chunuu juñu bain tsaa ura' chunu (Jeechu +detave, Tsange' naa ya' paande chachillanu bain, naa tiba jutyu dilujtu chunu +paatetala bain, naa tichi bain tiba jutyu sunden chunu paatetala bain, tsaa chunu +deechu detave. Ma patiñuya pandatala, jai pannutala, chunu yatala, ne dilutu +tsaanchi mi chachillanu mityakinutala, tsenmin yala chachi deeñu tsadeeve ti' +tichi la'kakenuu juñu bain kumuinchi juntsa tsaanchi ura' kekutyanuu deechu +detave. Tsenmin tengai'tu taawasha tajtu tiyaiba ishu juntsaa, naa ne diluiba ishu +juntsaa, ne tiiñuba i' tala'lakachin neeba tiyaishu juntsaa, ne kamainna +ruku/supu tiyaiba ishu juntsaa, ne deruku' taawasha ketyuiba tishu juntsaa, +tsenmin ne ya maaliya tsaa mi'kebangindyuren tsaa de'i' ya naakitaa lushi +laremuwa' bain juntsa tajtui tishu juntsaya tsaalanu la'kanuu balelachin tsa +deshiikara lushi uukare' tanañu lushinchi la'kakutyanuu juve.

+ + +

2. Nakaya paate juu, ne piyayaa atyutyu kailla judeeshu juntsalanu juu bain, naa-i +washkanuu juñu bain, ne munuba tsange uusundenna ketyuwa' bain yalanuya +tsange ura' keena' washkenuu deechuma juuve. Naaju kailla bain, naa nepallu +debuudi' chuñu faleke, naa ne ishui kailla juju' bain, chachi dejutu naa-i +washkanuu juñu bain, naa-i la'kayanuu juñu bain tsaanchi deechu detave.

+ + + + + +

Artículo 26

+ + +

1. Naaju chachilla bain kiika mijanu deechu detave. Naa mikama mijtuuyu ti' bain +jayu pudenbera mijakaraya t'lba paajutyu, tiba peedi i'mujchi kiika mijanu' +deechu detave naajula bain. Jayu pudenbera mijanuya naa mubain deranchi ma +tyuisurai' mijanuma judeeve. Ti mijakara bain, tsaanchi milan miinu mijakara +bain, naa kiikachi .mi chachilla detirenu ki'bain juntsa mijakara naa munuba +demijakaakenuu junu juve. Tsenmin kiika minchiren nunba kai'shaluiñuu juushu +junga vinu bain, muchi bain tsaren ne juunu juve, main main ya naaju pude' +kerañuba juntsanu keetaditU.

+ + +

2. Kiika mijanchijuushu juntsa ma patinmalaya, chachi dejutu yanai kerañuba ya +naa juñuba jun.tsa tyeeba juñu awakaren tsangenaa juve. Tsenmin entsa tunu +naa nuka chulla bain, muba mu bain tsatsangenuu deechu jumunu, naa chachi +dejutu tyeenaajun kikendya'bain tsangenuu deechu judeeshu juntsatalaa, +tyeeba juñu puulawaren tsange' juntsa dekeetadi' juntsangikaanaa juve kiika. +mijanchi juushu juntsa. Tsenmin kiika mijanchi tyeeba ju' ura'kentsange' kayu +narake aseetangikaanaa juve, naa ne veta' veta' te'ajaavijutyu, tsenmin naa +nutsa tu paatesha bain, nutsa tu paatetala bain kayu uusundya' debuudi' ura' +kikaanaa juve. Naa ne vee vee chachi deju' bain tsaatala uusundya' debuudinu, +tsenmin ne vee vee kerangemu deju' bain tiba jutyuren uusundya' debuudinu +kikaanaa juve. Tsenmin Naciones Unidas' taawasha tyeeba juñu awakaren +tsange' nuka bain peletu jutyu sunden chujnu taawasha juushu juntsanu, +juntsangikaanaa juve.

+ + +

3. Mu' mityaba apalaa deechu detave tina¿;¡ju kiika mijakara juu mijakaraa ya' +kaillanu mijakaanu juñu bain.

+ + + + +

Artículo 27

+ + +

1. Naaju chachilla bain lu'tsa' chunu tenanu ne ti juu ti kikemu judeeñu bain +tsaatala kive'nu ya bain ne tsangichi tyatu tsangenu deechu tave. Ne ti juu +uukeraa kikemu deeñu bain naa ne tiiñuba tyashi' mijaiñung€' tsamantsa muba +keenbashnuu kidekiñu bain, ya bain tsaren juntsatala kive'nuu deechu tave, naa +ne tsaanchi tinaaju kadekiñu bain ya bain tsaren deechu tave kave'nu.

+ + + +

2. Naaju chachilla bain la:kakutinuu deechu detave ya tyee kemu juju' bain ya' +pensa, naa ya' keñu katawadeishu juntsa juutala bain la'kakutinu deechu tave, +ne yaa tiiñl.lba tyashi' mi'ke' tsaañuve ti' katamu juju' bain, naa ne kiika pillanchi +juu ke' faawareke' bain, naa ne uu keraa kike' bain, yaa tsaa kemushu juntsaa, +juntsatala la'kakutinuu deechu tave.

+ + + + +

Artículo 28

Ura uwain chachilla naadekisa tyañu bain tsange deshiikaanu, tsenmin matyu +vee mujtu baa tusha bain tsange deshiikaasa tya' tsange deshiikaakaanu deechu +detave naaju chachilla bain. Entsa Tsandi Depañu Kuindanu pudeeshu juntsa, ti +kendenñuba tsangenu dejaa ti' mubain mubain tsangenu deechu detaa tishu +juntsanu, ura uwain tsangikaanu deechu detanave, naaju chachilla bain.

+ + +

Articulo 29

+ + +

1. Naaju chachilla bain, ya' chunu tenanu tinu bain keetadi' tin kikenu juñu bain +tsaatala mika keedinu juve, nejtun junaa ya muba bulla jutyu, ya ti ne juju' bain +Kumuinchi juntsa, ne tyeeba ju' awakaren tsangenu ju' mitya.

+ + +

2. Matyu main titi kenu deechu ta' bain juntsa deke', naa tyeenaajaa muba bulla +jutyu ke' sundyanuu ju' bain juntsa kenutala tsangendu tichiba daakarañu jutyu +tsangendu' bain, daakarañuu timiya, veela' deechu bain, naa veela bain yaibain +muchiba" bulla jutyu ti kendya'ba tsangenutala, tsaa kikaariu ley riaatiñuba +juntsanu keetaditaa daakaraañu tinu juve. Tsenmin tsamantsa aa bulu paande +juuñuu· mubain tsaren deechu deta kejtsapaatala naake pensang'emu deeñu +bain juntsanu keeditu, naa chachi dejutu riaa-i taatu ke'shili chunuu dejuñu bain +tsaanu dekeetaditaa, daakaraañu tinujuvemain.

+ + + +

3. Entsa deechu judeeshu juntsa bain, tsenmin naa muba bulla jutyu tikendenñuba +tsangenu judeeshu juntsatala bain, naake'ne Naciones Unidas tikikenu tyatuaa +tsenmin naa naati patuaa tsangeñu bain juntsanu shilijtushu juntsaya, ne +juntsanu masmi' kenu pudendejutyuve.

+ + + + +

Artículo 30

Entsa Tsandi Depañu Kuindanu pilla deeshu juntsa, naaki'ba naati'ba, ne ma aa +tu sukunu, tsaityu'ba ma bulú chachillanu, tsaityu'ba ma chachinu, jatsange +de'aseetange' ne enu pilla deeshu juntsa deechu manbirekenu kike, ne ti +kendenñuba muba bulla jutyu tsangenu judeeshu juntsatala bain, entsa Tsandi +DepañuKuindanu mamushakenu aseetangenuu dejutyuve, naa mubain.

+ + +
+

+ +

Profile

+
+Native Name +
+None +
+
+Total Speakers +
+ +
+
+Usage By Country
+ +
+
+Background +
+ +
+
+Received +
+Posted +
+Checked +